C0003 Morocco

Mnamo Februari 16, 2020, IRM ilipokea malalamiko ambayo yaliwasilishwa kupitia Mfumo wake wa Usimamizi wa Kesi mtandaoni (CMS). Mlalamikaji alikuwa ametoa ombi la usiri, na IRM ilitoa usiri kwa mujibu wa Taratibu na Miongozo yake (PGs). Malalamiko yanayohusiana na GCF mradi uliofadhiliwa FP043, Mradi wa Uhifadhi wa Maji wa Saïss, ulioko katika Uwanda wa Saïss nchini Morocco. Malalamiko hayo yaliibua masuala yanayohusu utoshelevu wa mashauriano yaliyofanyika na ukosefu wa taarifa zinazotolewa kwa mlalamikaji na wengine walioathirika na Mradi huo. Malalamiko hayo pia yaliibua wasiwasi unaohusiana na ukosefu wa taarifa na mawasiliano juu ya upatikanaji wa maji na uwezo wa upatikanaji huo. Malalamiko hayo yalitangazwa kuwa yanastahili kuchakatwa zaidi na IRM tarehe 7 Aprili 2020. 

Wakati wa kufanya mashauriano yaliyofanyika katika hatua ya awamu ya awali, wahusika wa pande zote vilikubaliana kuanza kutatua matatizo mnamo tarehe 6 Juni mwaka 2020. Tangu tarehe hiyo, licha ya changamoto zinazosababishwa na Uviko-19 kwa njia ya vikwazo vya kusafiri na vikwazo vya kukutana ana kwa ana na kwenda makazini, mikutano mingi ya kimtandao ilifanyika ikihusisha pande tofauti kwa msaada wa timu ya usuluhishi ya Mfumo wa Kupokea na Kurekebisha Malalamiko (IRM). Wakati wa mikutano hiyo, mlalamikaji alifutilia mbali ombi lake la usiri. Kutokana na juhudi hizi, mlalamikaji na Wizara ya Kilimo na Uvuvi wa Baharini wa Morocco walifikia makubaliano kadhaa.  Mfuko wa Mabadiliko ya Tabianchi ya Kijani (GCF) na taasisi au mashishirika yaliyoidhiniswa, Benki ya Ulaya ya Ujenzi na Maendeleo (EBRD), katika majukumu yao kama waangalizi wa mchakato huo, wamethibitisha kupokea na kuzingatia maudhui ya makubaliano. Mlalamikaji pia aliwasiliana juu ya kuridhika kwake na matokeo ya mchakato huo na nia yake ya kusitisha malalamiko wakati huu, kwa ufahamu kamili kwamba Mfumo Huru wa Kupokea na Kurekebisha Malalamiko (IRM) hautahusika katika ufuatiliaji wa makubaliano yaliyofikiwa na pande zote.

Kwa kuzingatia ukweli huu, Mfumo Huru wa Kupokea na Kurekebisha Malalamiko (IRM) umeamua kusitisha na kufunga kesi hii.